Çinin CNS xəbər agentliyinin direktoru: İRNA böyük və nüfuzlu mediadır

İranın media heyəti Çinin Çinxay vilayətinə səfəri zamanı “China News Service” xəbər agentliyində olub və bu medianın müxtəlif şöbələrini ziyarət edib.

Çinxay vilayətinin mərkəzi Şininq şəhərində həyata keçirilən bu səfərdən sonra İran media heyəti bu xəbər agentliyinin direktoru və agentləri ilə məsləhətləşmə və fikir mübadiləsi aparıb.

Görüşdə CNS Çin xəbər agentliyinin direktoru Con Yihu İran və Çin ölkələrinin qədim sivilizasiyalara malik olduğunu və bəzi sahələrdə oxşarlıqlar olduğunu bildirərək əlavə edib: “Son illər iki ölkə arasında əlaqələr daha da yaxınlaşıb və möhkəmlənməyə doğru gedir.”

“Biz iki ölkə xalqı arasında kommunikasiya körpüsü qururuq” - deyə, bəyan edən xəbər agentliyinin direktoru bu körpünün iki xalq arasında münasibətləri daha da sıxlaşdıracağını bildirib.

O, həmçinin iki ölkənin media fəaliyyətini genişləndirə biləcəyini vurğulayaraq deyib: “Çində Sasanilər dövrünə aid İran gümüş sikkələrinin tapılması bizim qədim zamanlarda bir-birimizlə münasibətimizin mövcud olduğunu göstərir və biz uzaq keçmişdən əldə etdiyimiz əlaqələri davam etdirməliyik.”