Ənsarullah lideri: Şəhid Həniyyəyə qarşı terror cinayəti bəzi Ərəb ölkələrini rüsvay etdi

Yəmən Ənsarullah Hərəkatının Baş katibi Seyid Əbdülməlik əl-Husi cümə axşamı, axşam saatlarında HƏMAS-ın Siyasi Ofisinin rəhbəri İsmayıl Həniyyənin cənazəsinin Qətərə gəlişi ilə eyni vaxtda çıxış edib.

Seyid Əbdülməlik deyib: “Şəhid Fuad Şükür və şəhid İsmayıl Həniyyənin ailəsinə, Livan və Fələstin xalqlarına, müsəlman ümmətinə dərin hüznlə başsağlığı verirəm. Həmçinin Amerikanın son təcavüzü nəticəsində İraqın Həşdi-Şabi və müqavimət qüvvələri şəhidlərinin ailələrinə başsağlığı verirəm.”

Ənsarullah lideri çıxışının davamında deyib: “Liderlərin şəhid olması müqavimət üzvlərinin bu yolu davam etmək motivasiyasında həmişə böyük təsir göstərmişdir. Sionist düşmən öz cinayətlərini artırmaqla ilahi vədin qaçılmaz süqutuna yaxınlaşır.”

“Komandir Həniyyənin terror edilməsi bütün adət-ənənələrin və müqəddəsliklərin açıq şəkildə pozulmasıdır. Həniyyənin terror edilməsi avropalıları və mövqeləri qınaq səviyyəsinə belə çatmayan bəzi Ərəb ölkələrini rüsvay etdi” - deyə, Ənsarullah lideri qeyd edib.