İnqilabın Ali Rəhbəri Milli Olimpiya Komitəsi sədrinin məktubuna cavabında: Xalqı sevindirdikləri və ölkəni qürurlandırdıqlarına görə ürəkdən minnətdaram

12 avqust 2024 at 16:40

Xəbər kodu: 85566216

İnqilabın Ali Rəhbəri Milli Olimpiya Komitəsi sədrinin məktubuna cavabında: Xalqı sevindirdikləri və ölkəni qürurlandırdıqlarına görə ürəkdən minnətdaram

Tehran - İRNA - Milli Olimpiya Komitəsinin sədrinin İslam İnqilabının Ali Rəhbərinə ünvanladığı məktubun və İslam Respublikasının idman karvanı üzvlərinin Olimpiya Oyunlarında idman və mədəni nailiyyətləri haqqında hesabat təqdim etməsinin, eləcə də İranın idmansevər xalqının qəlbini şad etməsinin ardınca həzrət Ayətullah Xamenei ölkəmizin xoş əhval-ruhiyyəli və iradəli idmançılarına səmimi təşəkkürünü bildirib.

İslam İnqilabının Ali Rəhbəri Milli Olimpiya Komitəsinin sədrinin məktubuna cavabında yazıb: “Son yarışlarda ölkəyə idman səhnəsində sevinc və qürur bəxş edən əziz, yüksək ruhlu və iradəli idmançılara, federasiya prezidentlərinə və məşqçilərə, Milli Olimpiya Komitəsinə ürəkdən minnətdaram. Uğurlar olsun, inşallah.”

Milli Olimpiya Komitəsinin sədri Mahmud Xosrəvivəfa İran İslam Respublikasının “Xadimur-Rza (ə)” idman karvanının uğurları ilə bağlı məktubunda ölkəmizin idmançılarının bəzi idman və mədəniyyət nailiyyətlərinə, o cümlədən 2012-ci ildə London Olimpiadasından sonra Paris Olimpiadasında ən çox medal qazanmasına, İranın idman karvanında qadınların görünməmiş iştirakına, bu qadınların fövqəladə parlaq çıxışlarına və Olimpiada yarışlarında ilk dəfə bəzi fənlər üzrə mühüm titullar qazanmalarına diqqət çəkmişdi.

0 Persons