“Reuters”-in məlumatına görə, qlobal xam neft qiymətləri ABŞ-ın iqtisadi tənəzzülü ilə bağlı narahatlıqların azalması və Yaxın Şərqdə geosiyasi gərginliyin davam etməsindən sonra bazar ertəsi (12 avqust) ticarətində ardıcıl beşinci gün olaraq artıb.
Brent Şimal dənizi xam neftinin qiyməti 28 sent və ya 0,4% artaraq GMT vaxtı ilə 6:35-də bir barel üçün 79 dollar 94 sent olub. Amerikanın WTI markalı xam neftinin qiyməti 42 sent və ya 0,6% artaraq 77 dollar 26 sent/barelə bərabər olub.
IG bazar analitiki Tony Sycamore bununla bağlı deyib: “Keçən həftə ABŞ-ın müsbət iqtisadi məlumatları ABŞ-da tənəzzül qorxusunu azaldıb.”
Onun sözlərinə görə, HƏMAS-ın siyasi liderinin Tehranda terror edilməsindən sonra İranın sionist rejimə sərt reaksiyası ilə bağlı çoxlu narahatlıq var.
ING İnstitutunun əmtəə araşdırmalarının rəhbəri Uorren Patterson deyib: “Qlobal xam neft bazarları hələ də İranın cavabını gözləyir.”
Sizin rəyiniz