İran İslam Respublikasının BMT-dəki nümayəndəsi yerli vaxtla cümə günü Rusiyaya ballistik raketlərin göndərilməsi ilə bağlı iddia edilən xəbərlərə dair suallara cavab olaraq deyib: İran İslam Respublikasının Ukraynadakı münaqişə ilə bağlı mövqeyi qətiyyən dəyişməyib. İran münaqişə tərəflərinə insan və infrastruktur itkilərinin yayılmasına, eləcə də atəşkəs danışıqlarından yubanmasına səbəb olan hərbi yardım göndərilməsini qeyri-insani hesab edir. Ona görə də, nəinki bunu etmir, həm də digər ölkələri münaqişədə iştirak edən tərəflərə silah göndərməyi dayandırmağa çağırır.
Bundan əvvəl İranın BMT-dəki səfiri ABŞ, İngiltərə və Fransanın Tehranın Ukrayna münaqişəsindəki rolu ilə bağlı “əsassız və çaşdırıcı” ittihamlarını rədd edərək demişdi: ABŞ və onun müttəfiqləri Qərb mənşəyli və qabaqcıl silahların, xüsusən də ABŞ tərəfindən göndərilməsinin Ukraynada müharibəni uzatdığı, mülki əhaliyə və mülki infrastruktura ziyan vurduğu danılmaz faktını gizlədə bilməzlər.
Sizin rəyiniz