İRNA Xəbər Agentliyinin Baş direktoru Hüseyn Cabiri Ənsari, şənbə günü 5 oktyabr axşam saatlarında, “Xəbər” buraxılışının xüsusi müsahibə proqramında Əl-Əqsa Tufanı əməliyyatına toxunaraq deyib: “Fələstin məsələsini unudulmuş vəziyyətdən dünya və regionun mərkəzi məsələsinə çevirən Əl-Əqsa Tufanı layihəçilərinə yüksək qiymət verilməlidir. Halbuki, oktyabrın 7-dən əvvəl Fələstin məsələsinin unudulmuş olduğu düşünülürdü.”
“7 oktyabrdan sonrakı mərhələ Fələstin məsələsini iyirmi il kənarda qaldıqdan sonra mərkəzi məsələyə çevirdi. Bu, Əl-Əqsa Tufanının ən mühüm nailiyyəti hesab olunur” - deyə, Baş direktor bəyan edib.
Cabiri Ənsari müsahibəsinin davamında deyib: “Əl-Əqsa Tufanı praktiki olaraq elə bir atmosfer yaratdı ki, ən azı açıq səviyyədə normallaşmanın irəliləməsi ehtimalını dayandırdı. Sionist rejimin kütləvi qırğınlarının miqyası regionun ictimai rəyində elə bir psixoloji ab-hava yaratdı ki, normallaşma üçün lazım olan əsaslar böhranla üzləşdi.”
İRNA-nın Baş direktoru deyib: “Bu əməliyyat Fələstində müqavimətin səmərəli olacağına və nəticə verəcəyinə ümid yaratdı. Digər məqam isə o idi ki, bu, fələstinlilərin tək olmadığını göstərdi. Hizbullah dərhal İsrailə qarşı əməliyyatlara başlayacağını və İsrail dayanmayana qədər mübarizəni davam etdirəcəyini açıqladı. Gördüyümüz kimi, bu mübarizə bu günə qədər davam edir.”
Cabiri Ənsari vurğulayıb: “Digər tərəfdən İraq balansa girdi, Ənsarullah da münaqişəyə qoşuldu. Bu, Yəmənin Yaxın Şərq və Fələstin hadisələrinin mərkəzinə ilk dəfə girməsi idi.”
O deyib: “Rejim bir oxla bir neçə hədəfi vurmaq istəyir: Qəzzədə blokadaya terror əməliyyatlarını əlavə etməyə və müqavimət cəbhəsinin vəhdətini parçalamağa çalışır.”
Cabiri Ənsari sionist rejimin ən yüksək səviyyədə qətlam törətdiyini, lakin əməliyyatı bitirə bilmədiyini bəyan edərək deyib ki, israillilər əməliyyatlarını Beyrutdan Tehrana qədər davam etdirmək və qurulmuş birliyi parçalamaq üçün Qəzzədə blokada əməliyyatını təkmilləşdirmək niyyətindədirlər.
Cabiri Ənsari əlavə edib: “Terrorizm İsrailin həmişə olmuş və davam etmiş əməliyyat, hərbi və təhlükəsizlik taktikasıdır. Liderlər terror edilə bilər, lakin bölgə xalqlarını terrorla aradan qaldırmaq olmaz.”
“Doğru Vəd 2” əməliyyatına toxunan İRNA-nın Baş direktoru qeyd edib ki, bu əməliyyat İsrailin döyüş maşınının qarşısını almaq, onu dayandırmaq və uzunmüddətli məhvetmə strategiyasını həyata keçirmək məqsədi daşıyırdı.
Cabiri Ənsari daha sonra deyib: “İslam İnqilabı region xalqları üçün yeni bir yol açdı ki, bu da son illərdə bir çox qələbələrə səbəb oldu. İsrail oktyabrın 7-dən sonra bu yeni yolu bağlamağa cəhd edir.”
Sizin rəyiniz