Pezeşkiyan: Sionist rejimin İrana qarşı hər bir hərəkətinə qəti cavab veriləcək

Məsud Pezeşkiyan çərşənbə günü səhər Rusiyaya səfər planlarının davamı olaraq Efiopiya Federativ Demokratik Respublikasının baş naziri Abi Əhməd ilə görüşdə deyib: Rəsmi fəaliyyətimin elə ilk günündə sionist rejim İslam Respublikasının rəsmi qonağı olan şəhid Haniyənin terror etməklə hədəflərimizə çatmaq prosesini pozdu.

Prezident bildirib: Əgər sionist rejim səhv edib İran İslam Respublikasına qarşı bir hərəkət etsə, qəti və inanılmaz cavab alacaq.

Pezeşkiyan vurğulayıb: Biz regionda qarşıdurma və gərginliyi yaymaq fikrində deyilik və sülh və əmin-amanlıq istiqamətində hər hansı bir hərəkəti alqışlayırıq, lakin sionist rejimin hərəkətləri tam olaraq bütün bölgəni atəşə tutmaq məqsədi ilə həyata keçirilir. Odur ki, bu işğalçı rejimə digər ölkələrin, xüsusən də qərblilərin nəzarət etməsi lazımdır.

Efiopiya Federativ Demokratik Respublikasının baş naziri Abi Əhməd də bu görüşdə İran İslam Respublikasının Efiopiyada məşhur bir ölkə kimi tanındığını və bizim xalqımızın şüurunda qarşılıqlı münasibətlərinin tarixi və müsbət imici olduğunu bildirərək dedi: Bölgənizdə baş verənləri həyəcanla izləyirik.

O, İranın güclü və müstəqil ölkə olduğunu bildirərək, dedi: Mövcud qlobal və regional strukturlar qeyri-bərabərdir və BRİKS kimi qurumlar çox effektivdir və bu bərabərsizliklərin düzəldilməsi və aradan qaldırılmasında rol oynayır.