İranın BMT-dəki nümayəndəsinin İlon Maskla görüşü doğru deyil

Xarici İşlər Nazirliyinin sözçüsü İRNA-ya müsahibəsində bəzi Amerika KİV-lərində İlon Maskın İran İslam Respublikasının Nyu-Yorkdakı daimi nümayəndəsi ilə görüşü ilə bağlı irəli sürülən iddiaya münasibət bildirərkən, belə bir görüşü qəti şəkildə təkzib edərək, Amerika mediasının bununla bağlı işıqlandırılmasından təəccübləndiyini bildirib.
Qeyd edək ki, Amerikanın "New York Times" qəzeti iddia edib ki, Trampın qələbəsində təsirli rol oynamış amerikalı milyarder İlon Mask İranın BMT-dəki daimi nümayəndəsi Əmir Səid İrəvani ilə gizli bir yerdə görüşərək İran və ABŞ arasında gərginliyin azaldılması yollarını müzakirə edib.
Bu qəzet iki anonim iranlı mənbəyə istinadən bildirib ki, İran nümayəndəsi ilə ABŞ-ın yeni seçilmiş prezidenti Donald Trampın yaxın müşaviri Mask arasında görüş bazar ertəsi Nyu-Yorkda baş tutub.
Bu qəzetin mənbələrinin iddiasına görə, İlon Mask ilə İranın BMT-dəki daimi nümayəndəsi arasında bir saatdan çox davam edən və gizli yerdə keçirilən görüş “müsbət” olub.