Tarixçi vurğulayıb: “İndi Təl-Əvivə qarşı beynəlxalq sanksiyalar tətbiq etməyin vaxtıdır.”
Dünən Madriddəki Casa Arabedə keçirilən seminarda iştirak edən israilli tarixçi İlan Pape İspaniyanın “El Pais” qəzetinə verdiyi müsahibədə hazırda Qəzzədə baş verənləri izah edərək deyib: “İsrailin Qəzzə zolağındakı siyasətinin yeganə izahı soyqırımdır. Təkcə əksəriyyəti qadın və uşaqlardan ibarət olan qurbanların çoxluğuna görə yox, həm də ona görə ki, bu hərəkətlərin arxasında bir ideya dayanır: Qəzzənin bütün əhalisini və bəlkə də fələstinliləri məhv edə bilmək.”
“Dünyanın ən böyük həbsxanası” kitabında “işğal” sözünün işlədilməsinin düzgün olmadığını, Fələstin məsələsində isə “müstəmləkəçilik” sözünü işlətməli olduğumuzu vurğulayan Pape əlavə edib: “Bu, İsrailin indiki hökumətinin istəyidir və sionizm həmişə İsrailin Fələstin problemi olmayan bir yəhudi dövləti olmasını istəyib. Bu soyqırımla bağlı ən çox narahatedici hal onun miqyası deyil, əslində, bu soyqırımı sələflərinin edə bilmədiklərini etmək üçün tarixi fürsəti olduğuna inanan bir hökumət tərəfindən həyata keçirilməsidir: bir ideya olaraq Fələstini məhv etmək.”
El Pais müxbirinin “siz bir neçə ay əvvəl bir məqalənizdə sionizmin çökdüyünü iddia etdiniz. Hələ də bu mövqeinizdə dayanırsınız?” sualının cavabında tarixçi deyib: “Bəli, qətiyyətlə. Mən birlikdə sionizmi bir ideologiya kimi alt-üst edə biləcək bir neçə prosesi müəyyən etmişəm.”
El Pais-in yazdığına görə, sionist rejimin boykotunu dəstəklədiyi üçün tənqid dalğası ilə üzləşən Pape bu dəstəyin və prosesin effektivliyini açıqlayaraq deyib: “Düşünürəm ki, İsraili boykot etmək çox effektivdir, lakin bu kifayət deyil. Boykot və embarqonun birləşməsinə ehtiyac var.
Boykot vətəndaş cəmiyyətinin reaksiyasıdır və hökumətlərin sanksiyalarına ehtiyacımız var. İnsanlar adətən Fələstin silahlı müqavimətini xarici təzyiqin yanında qoymurlar. Siyasətini dəyişmək üçün İsrailə kənardan təzyiq göstərməyin təsirli bir yolu olmasa, fələstinlilərin qarşısında yalnız bir seçim qalır və o yol silahlı mübarizə cəhdidir. Bu üsul çox güman ki, işləməyəcək.”
Sizin rəyiniz