İranın BMT-dəki səfiri və daimi nümayəndəsi Əmir Səid İrəvani cümə günü yerli vaxtla Birləşmiş Millətlər Təşkilatının Təhlükəsizlik Şurasının sədri Barbara Vudvorda yazdığı məktubda Təhlükəsizlik Şurasının iclasında ABŞ və İngiltərənin İrana qarşı ittihamlarını qəti şəkildə rədd edib və deyib: Amerika Birləşmiş Ştatları və İngiltərə İsrail rejiminin cinayətlərinin səbəbkarı olduqları halda özlərini məsuliyyətdən azad edə bilməzlər. Onların İsrail rejiminə qeyd-şərtsiz dəstəyi münaqişələrin davam etdirilməsinə təkan verir və Təhlükəsizlik Şurasının beynəlxalq sülh və təhlükəsizliyin qorunması missiyasına xələl gətirir.
İranın BMT-dəki səfiri habelə Ukrayna münaqişəsi ilə bağlı ABŞ və İngiltərənin İrana qarşı ittihamlarını qətiyyətlə rədd edib və vurğulayıb: İranın Ukraynaya münasibətdə mövqeyi aydın, sabit və dəyişməz olaraq qalır.
Sizin rəyiniz