Əraqçi: Suriyada qeyri-sabitlik və xaos nə İranın, nə də region ölkələrin heç birinin xeyrinə deyil

Ölkəmizin yüksək səviyyəli rəsmiləri ilə məsləhətləşmələr aparmaq üçün Tehrana səfər edən Omanın Xarici İşlər naziri Seyid Bədr Əl-Busaidi bu gün bazar ertəsi səhər saatlarında İranın Xarici İşlər naziri Seyid Abbas Əraqçi ilə görüşüb və müzakirələr aparıb.
Ölkəmizin Xarici İşlər naziri İran və Oman arasındakı münasibətləri yüksək qiymətləndirib, Prezident Pezeşkiyanın iki ölkə arasındakı razılaşmaların həyata keçirilməsinin zəruriliyini xüsusi vurğulamasına toxunaraq, İranın xüsusilə iqtisadi, ticarət və enerji sahələrində yeni əməkdaşlıq sahələri açmağa hazır olduğunu bəyan edib, iki ölkənin Birgə İqtisadi Komissiyasının yaxın vaxtlarda keçirilməsini bu məsələni planlaşdırmaq və izləmək üçün yaxşı fürsət adlandırıb.
Ölkəmizin Xarici İşlər naziri Suriyadakı hadisələrə toxunaraq deyib: “Suriyada qeyri-sabitlik və xaos nə İranın, nə də region ölkələrinin heç birinin xeyrinə deyil və İran İslam Respublikası Suriya cəmiyyətinin bütün siyasi, sosial və sivil spektrlərini və cərəyanlarını təmsil edən inklüziv hökumətin formalaşmasını dəstəkləyir.”
Omanın Xarici İşlər naziri də Tehrana səfərindən və iranlı həmkarı ilə görüşündən məmnunluğunu ifadə edərək, Oman Sultanının iki qonşu ölkə arasında tarixi və köklü əlaqələrə xüsusi diqqət yetirdiyini vurğulayıb, Maskat və Tehran arasında nümunəvi münasibətlər iki xalqın maraq və mənafelərinin reallaşdırılması, eləcə də regionun sabitliyi, təhlükəsizliyi və inkişafına uyğun olaraq daha da genişlənəcəyinə ümidvar olduğunu bildirib.