Rya Novostinin məlumatına görə, Dimitri Peskov çərşənbə axşamı jurnalistlərə bildirib: Bu sazişin imzalanması İran İslam Respublikasının prezidenti cənab Pezeşkiyanın qarşıdan gələn səfərinin çox mühüm hissəsidir. Bizim üçün bu, çox mühüm hadisədir və biz buna böyük əhəmiyyət veririk.
Bundan əvvəl Kreml bazar ertəsi elan edib: Rusiya prezidenti Vladimir Putin Moskvaya rəsmi səfərə gələcək İran İslam Respublikasının prezidenti Məsud Pezeşkiyanla görüşəcək və danışacaq.
Kremlin bəyanatında deyilir: Putinin Pezeşkiyanla danışıqlarında ikitərəfli əməkdaşlığın daha da genişləndirilməsi perspektivi, o cümlədən ticarət və investisiya, nəqliyyat-logistika, humanitar sahələr, o cümlədən regional və beynəlxalq gündəlikdəki aktual məsələlərin müzakirə olunacağı gözlənilir.
Kreml əlavə edib: Bu danışıqların davamında Vladimir Putin və Məsud Pezeşkiyan Rusiya və İran arasında hərtərəfli strateji tərəfdaşlıq sazişini imzalayacaq və mətbuata açıqlamalar verəcəklər.
Sizin rəyiniz