ABŞ prezidenti Donald Tramp yerli vaxtla bazar ertəsi Vaşinqtonda soyuq hava səbəbindən sıx təhlükəsizlik tədbirləri ilə ABŞ Konqresinin binasında olduqdan bir neçə dəqiqə sonra prezidentliyinin ölkə üçün yeni bir səhifə açacağına söz verib və “Amerikanın onun üçün prioritet olacağına” and içib.
Tramp inauqurasiya nitqində Amerikadakı günün problemlərinə, o cümlədən Kaliforniyadakı yanğınlar və Şimali Karolinada dəniz fırtınasına toxunaraq deyib: “Liderlərin səriştəsizliyinə görə Amerikada etimad böhranı yaşanır.”
Amerikanın yeni prezidenti iddia edib: “Amerikanın qızıl dövrü bu andan başlayır.”
ABŞ-ın 47-ci prezidenti iddia edib: “Mənim seçkilərdəki qələbəm ölkəyə edilən bu dəhşətli xəyanəti aradan qaldırmaq missiyasıdır.”
O deyib: “Son illər xalqımız çox əziyyət çəkib və biz xalqımızı dirçəldəcəyik, bütün müharibələri bitirəcəyik və ölkəmiz öz yerini alacaq.”
Amerikanın yeni prezidenti çıxışının başqa bir hissəsində vurğulayıb ki, ilk iş günündə imzalayacağı sərəncamlarda Meksika körfəzinin adını Amerika körfəzi adlandırmağı planlaşdırır.
O, Alyaskadakı Denali dağının adının dəyişdirilərək McKinley dağı olacağını və Panama kanalının geri alınacağını bildirib.
Sizin rəyiniz