HƏMAS yaydığı bəyanatında vurğulayıb: “HƏMAS-ın İzzəddin Əl-Qəssam Briqadaları və Fələstin müqaviməti döyüş meydanına nəzarət etməkdə yüksək bacarıqlarını bir daha sübut etdi. Nümunəvi nizamla həyata keçirilən və dünyanı heyrətə salan əsir mübadiləsi əməliyyatı Qəzzə zolağında düşmənin cinayətkar ordusu darmadağın edildikdən sonra həyata keçirildi.”
Bəyanatda əlavə edilib: “Bu gün baş verənlər Əl-Qəssam Briqadaları, Fələstin İslami Cihad Hərəkatının hərbi qanadı olan Qüds Briqadaları və digər müqavimət qüvvələrinin döyüş meydanında birliyini sübut edir, həm də HƏMAS-ın Siyasi Ofisinin mərhum rəhbəri, şəhid lider “Əbu İbrahim”in (Yəhya Sinvar) evinin qarşısında baş tutan əsir mübadiləsi əməliyyatının idarə olunmasını xüsusi vurğulayır.”
Bəyanatda qeyd olunur ki, Qəzzə zolağının cənubunda Xan Yunis şəhərində və şimalında Cəbəliyə düşərgəsində əsir mübadiləsi əməliyyatında ictimaiyyət və müqavimət qüvvələrinin geniş şəkildə iştirakı xalqın duruş və qüdrətini, Fələstin müqavimət qruplarının vəhdətini vurğulayır.
HƏMAS-ın bəyanatında daha sonra bildirilir: “Qəzzə zolağında sionist əsirlərin təhvil verildiyi yerlərin müxtəlifliyi, o cümlədən Cəbəliyə müqavimət düşərgəsi və Xan Yunis şəhəri və şəhid Yəhya Sinvarın evinin qarşısında əsirlərin təhvil verilməsi əməliyyatı xalqımızın öz vətənində möhkəm qalması, müqavimətini davam etdirəcəyi, azadlıq və qayıdış əzmində olacağına aid dünyaya açıq mesajdır.”
Sizin rəyiniz