Xarici İşlər naziri bildirib: “Sionist rejim ən ağır beynəlxalq cinayətləri törətməsinə və on minlərlə müdafiəsiz fələstinli qadın və uşağı qətlə yetirməsinə baxmayaraq, heç bir mənfur məqsədinə nail ola bilmədi, sonda təslim və məhv etmək niyyətində olduğu müqavimət qrupları ilə atəşkəsi qəbul etmək məcburiyyətində qaldı.”
Əraqçi deyib: “Fələstin xalqı arasındakı birlik və vəhdət, əfsanəvi səbir və dözümlülük, bütün acı və çətinliklərə baxmayaraq müqaviməti dəstəkləməsi Fələstin xalqının haqq olmasının və qələbəsinin əbədi yaşayacaq təzahürlərindən biridir.”
Xarici İşlər naziri fələstinliləri öz torpaqlarından zorla köçürmək üçün sionist-Amerika birgə planını Fələstini məhv etmək üçün pis sui-qəsd kimi qiymətləndirərək deyib ki, bu plan Birləşmiş Millətlər Təşkilatının Nizamnaməsinin və beynəlxalq hüququn fundamental prinsip və qaydalarını pozmaqla yanaşı, həm də insanlığa qarşı cinayətin tam nümunəsi hesab olunur.
Fələstin İslami Cihad Hərəkatının Baş katibi də Qəzzədə son cəbhə vəziyyəti, işğalçı rejimin İordan çayının qərb sahilində davam edən cinayətləri, atəşkəs razılaşması və əsir mübadiləsi prosesi ilə bağlı siyasi inkişaflar barədə məlumat verib, həm meydanda, həm də siyasi arenada müqavimət qrupları arasında birlik və vəhdətə toxunaraq vurğulayıb: “Fələstin xalqı öz qanuni hüquqları reallaşana, işğalçı və soyqırım törədən sionist rejimin boyunduruğundan xilas olana qədər müqavimətini davam etdirmək əzmindədir.”
Sizin rəyiniz