Ayətullah Xamenei bu tingləri əkdikdən sonra ağac əkməyi faydalı, gələcəyə hesablanmış və sərvət gətirən bir iş hesab edib, şəhid Rəisinin hökuməti dövründə ötən il başlanan Milli Ağacəkmə Hərəkatına ciddi diqqət yetirilməsinin vacibliyini vurğulayaraq deyib: “Ağac əkmək məsələsində bütün insanlar saleh və xeyirxah bir iş kimi iştirak etməlidirlər ki, ağacların sayını artırmaqla yaşayış mühiti, həyat təzə və təmiz olsun.”
İslam İnqilabının Ali Rəhbəri özünün hər il ağac əkməsini bu məqamı xatırlatmaq üçün rəmzi bir hərəkət adlandırıb və bildirib ki, ağac əkmək təkcə gənclərə aid deyil, müxtəlif yaşlarda olan bütün insanlar bu mühüm, böyük, zəruri və gözəl iş üçün həvəs və motivasiya tapmalıdırlar.
Həzrət Ayətullah Xamenei ağac əkməyin müxtəlif baxışlardan sərfəli investisiya olduğunu və sərvət gətirdiyini vurğulayaraq əlavə edib: “İstər məhsuldar ağacların meyvələrindən bəhrələnmək, istərsə də qiymətli ağacların ağacından istifadə etmək üçün hər hansı bir səbəbdən ağac əkmək heç bir zərəri olmayan, eyni zamanda tamamilə sərfəli bir əməldir.”
Ali Məqamlı Rəhbər ağacları və əkin sahələrini havanın sağlamlığının amilləri hesab edib, ətraf mühitin yüksək əhəmiyyətini vurğulayaraq qeyd edib: “Ağaclar və bitkilər havanı yaxşılaşdırmaqla yanaşı, həm də yaşayış mühitini və ətraf mühiti təzələyir, insanların ruhunu təzələyir, çünki ağaclar və bitkilər gözə və qəlbə xoş gəlir.”
İslam İnqilabının Ali Rəhbəri şəhid Rəisinin dövründə başlayan milli ağacəkmə hərəkatının ciddiyə alınmasının vacibliyini diqqətə çatdıraraq deyib: “Ötən il başlanan və hələ də davam edən layihə dörd il ərzində bir milyard ağacın əkilməsinin mümkün olduğunu göstərir və dövlət qurumları bu məsələdə insanlara kömək etməlidir.”
Həzrət Ayətullah Xamenei ağacların kəsilməsi və əkinçilik sahələrinin fəaliyyətinin dəyişdirilməsi ilə bağlı xəbərdarlıq edərək deyib: “Texniki və zəruri hallar istisna olmaqla ağacların kəsilməsi itki və təhlükədir. Meşələrin qırılması və kənd təsərrüfatı torpaqlarının çevrilməsinin qarşısı alınmalıdır.”
Tehranda və bəzi digər şəhərlərdə bu sahədə görülən yaxşı işlərə də diqqət çəkən Ali Məqamlı Rəhbər bu tədbirlərin davam etməsinin vacibliyini çatdırıb.
Sizin rəyiniz