ABŞ prezidentinin Qəzzə əhalisinin köçürülməsi ilə bağlı sionist ideyasını yenidən gündəmə gətirməsindən sonra xarici işlər naziri müsəlman ölkələri arasında bu plana qarşı harmoniya və yekdillik yaratmaq üçün geniş fəaliyyətə başlayıb. Xarici işlər naziri iş həftəsi ərzində Tunis, Misir, Türkiyə, Pakistan, Qambiya, Malayziya, Əlcəzair və Səudiyyə Ərəbistanının xarici işlər nazirləri ilə telefon danışığı aparıb. Bu telefon məsləhətləşmələrində əsas diqqət mərkəzi Tehranın Qəzzə əhalisinin köçürülməsi planına açıq şəkildə etiraz etməsi və bu məsələnin həlli üçün İslam Əməkdaşlıq Təşkilatının fövqəladə iclasının keçirilməsi tələbi olub.
ABŞ prezidenti Donald Tramp artıq ilk səlahiyyət müddətində (2017-2021) və ondan sonra da dəfələrlə birbaşa və ya dolayısı ilə fələstinlilərin öz torpaqlarından didərgin salınmasına aid ideyalar irəli sürüb. Amma, bu məsələnin kulminasiya nöqtəsi onun hakimiyyətə qayıdışından sonra 2025-ci ildə yaranıb. 2025-ci ilin yanvarında Qəzzada kövrək atəşkəsdən sonra Tramp fələstinlilərin Qəzza zolağından tədricən təxliyəsini və Misir və İordaniya kimi ərəb ölkələrinə köçürülməsini ehtiva edən qalmaqallı bir təklif təqdim etdi.
Sizin rəyiniz