HƏMAS yaydığı bəyanatda İslam Əməkdaşlıq Təşkilatının Qəzzədə yaşayan fələstinlilərin didərgin salınması cəhdini rədd etdiyini vurğulamasını və bölgənin yenidən qurulması planını dəstəkləməsini yüksək qiymətləndirib, sionist rejimin Fələstin xalqı və regiona qarşı təcavüzünə son qoymaq üçün səylərin gücləndirilməsini vurğulayan iştirakçı nümayəndə heyətlərinin mövqelərini alqışlayıb.
Bəyanatda bildirilir: “Bir daha Ərəb və İslam ölkələrini Fələstin xalqını dəstəkləmək və müdafiə etmək üçün əməli və təsirli addımlar atmağa, Fələstin məsələsini ortadan qaldırmağı və onun torpaqları üzərində tam nəzarəti həyata keçirməyi hədəfləyən faşist işğalçı rejimin planlarına qarşı müqaviməti gücləndirməyə çağırırıq. Həmçinin onları işğalçı rejimin İslami müqəddəslərə, xüsusilə də mübarək Əl-Əqsa məscidinə qarşı cinayətkar təcavüzünü dayandırmaq, onu yəhudiləşdirmək və Ərəb-İslam kimliyini dəyişmək cəhdlərinə qarşı durmaq üçün hərəkətə keçməyə və təzyiq göstərməyə çağırırıq.”
Bəyanatda əlavə olunur: “İşğalçı rejimin Qəzzə zolağında xalqımıza qarşı tətbiq etdiyi qəddar mühasirə kontekstində Ərəb və müsəlman qardaşlarımızı, o cümlədən hökumətləri, xalqları, qurumları və təşkilatları əzab çəkən Qəzzə əhalisinə qarşı vəzifələrini yerinə yetirməyə, dərhal yardım göstərmək, keçidləri açmaq və ərzaq, yanacaq və tibbi ləvazimat da daxil olmaqla zəruri yardım göndərməyə çağırırıq.”
Sizin rəyiniz