İRNA-nın xarici siyasət bölməsinin məlumatına görə, Məhəmməd İslami çıxışının davamında Qərbin nüvə enerjisindən istifadəni inhisara alma siyasətinə toxunaraq deyib: “Onlar müstəqil olan, onların əmri və siyasəti ilə fəaliyyət göstərməyən, elmdə liderlik və güc mərkəzi üçün planlarını sual altına salan ölkəyə dözə bilmirlər.”
İslami Qərbin İrana qarşı bu planının uğursuzluğuna toxunaraq deyib: “Onların İranı dayandırmaq üçün bütün səyləri və hərəkətləri Allahın lütfü ilə boşa çıxdı. Heç vaxt bu təxribatlardan, müxalifətlərdən heç bir nəticə əldə edə bilməyiblər, bundan sonra da heç nəyə nail olmayacaqlar. Qərblilər zənginləşdirmənin inhisarda olan bir sənaye olmasını istəyirlər və hesab edirlər ki, dünyanın heç bir ölkəsinə uranı zənginləşdirməyə imkan verməməlidirlər.”
Atom Enerjisi Təşkilatının sədri ABŞ-da bununla bağlı qanunun mövcudluğuna toxunaraq qeyd edib ki, bu qanuna əsasən, zənginləşdirmə sahəsində və təkrar emalı və ağır su ilə bağlı məsələlərdə işləmək istəyən hər kəsin ABŞ hökuməti ilə müqavilə bağlamalı, ABŞ planına və lisenziyasına uyğun işləməli olduğu yer alıb. Məhz bu əsasda İranın nüvə proqramının mövcudluğuna və inkişafına dözə bilmirlər. Buna görə də, bütün dünyada dinc nüvə texnologiyasının ədalətli şəkildə yayılması üçün hüquqi məsuliyyət daşıyan və bu məsuliyyətdə dəstəkləyici, həvəsləndirici və asanlaşdırıcı rol oynamalı olan Atom Enerjisi Agentliyi Amerikanın maneələri ilə üzləşir. Onlar bu texniki qurumun İranla bağlı öz xas vəzifəsini yerinə yetirməyə imkan vermirlər.
Ən çox müşahidə və təftişlərə İranın evsahibliyi etdiyini qeyd edən İslami sözlərinə belə davam edib: “İrana qarşı bütün narahatlıq və təzyiqlərə baxmayaraq, onlar hələ də İranın yoxlamaları qəbul etməkdən imtina etdiyini və nüvə proqramını gizlətdiyini təlqin edirlər.”
Sizin rəyiniz