Tehran - İRNA -26 aprel 2025-ci il şənbə günü Bəndər Abbasın Şəhid Rəcai Limanında baş verən güclü partlayış nəticəsində 28 nəfər ölüb, 6 nəfər itkin düşüb, 800 nəfər yaralanıb, lakin qəzanın səbəbi barədə dəqiq məlumat yoxdur.
Prezident hadisənin operativ araşdırılmasına göstəriş verib və daxili işlər naziri hazırda Pezeşkiyanın səlahiyyətli nümayəndəsi kimi Bəndər Abbasdadır. Habelə yol və şəhərsalma naziri və Limanlar və Dənizçilik Təşkilatının rəhbəri də bu imandandır.
Şəhid Rəcai Limanında baş verən yanğınların 80 faizindən çoxunun qarşısı yanğınsöndürənlər tərəfindən alınıb və söndürülüb.
Ölkənin Böhran Vəziyyətlərində İdarəetmə Təşkilatı Hörmüzqan vilayətinin Şəhid Rəcai Limanında baş verən partlayışla bağlı dördüncü açıqlama yayaraq bildirib: Şəhid Rəcai Limanında yanğınsöndürmə əməliyyatları davam edir və indiyədək əməliyyatların 80 faizi tamamlanıb və aşkarlama işləri yaxın saatlarda yanğınsöndürmə qüvvələri və hava qüvvələrinin iştirakı ilə tamamlanacaq.
İran Gömrükləri Təşkilatı da açıqlama verib: Şəhid Rəcai Gömrüyündə tam miqyaslı daşıma və xarici tranzit, ixrac və idxal üçün gömrük rəsmiləşdirmələri bərpa edilib.
Bir neçə dəqiqə əvvəl Şəhid Rəcai Limanında yanğının 80 faizinin qarşısı alındığı və səngiməkdə olduğu bir vaxtda, konteynerlər arasında yenidən yanğın başlayıb.
Yanğınsöndürənlər hələ də yanğını söndürmək üçün çalışırlar, eyni zamanda limandakı digər doklarda yüklərin boşaldılması və yüklənməsi prosesi tam sürətlə davam edir.
Sizin rəyiniz