Bazar günü Şəhid Rəcai Limanı hadisəsi ilə bağlı xəbərlər və şayiələr haqqında danışan general-mayor Rza Təlayinik deyib: “Araşdırmalara və sənədlərə əsasən, yanğın hadisəsi və Şəhid Rəcai Limanı ərazisində yanacaq və ya hərbi məqsədlər üçün idxal və ya ixrac olunan yüklər olmayıb və yoxdur. Xarici düşmən mediaların psixoloji əməliyyatlarına uyğun olaraq məqsədyönlü atmosfer yaratmaqla yaydıqları bəzi xəbərlər əvvəllər də olub. İran xalqının ayıq olması həmişə düşmənlərin milli iqtidara zərər vurmaq üçün media əməliyyatlarını zərərsizləşdirib.”
Müdafiə Nazirliyinin sözçüsü əlavə edib: “Xəbərdə bildirildiyi kimi Böhranın İdarə Edilməsi Təşkilatı və Daxili İşlər Nazirliyinin diqqəti ilə Şəhid Rəcai Limanındakı yanğın hadisəsinin əsas və ikinci dərəcəli səbəbləri, istər təhlükəsizlik, istərsə də digər səbəbləri, müvafiq qurumların köməyi ilə lazımi vaxtda müəyyən ediləcək və ölkə rəsmiləri tərəfindən elan ediləcəkdir.”
Sizin rəyiniz