Səməd Həsənzadə iki ölkə Prezidentinin iştirakı ilə keçirilən İran-Azərbaycan biznes konfransında ümidvar olduğunu bildirib ki, bu mühüm iqtisadi konfransda biz İran İslam Respublikası ilə Azərbaycan Respublikası arasında qardaşlıq münasibətlərinin möhkəmləndirilməsi və iqtisadi əməkdaşlığın inkişafı istiqamətində yeni addımların şahidi olacağıq.
“İran Ticarət Palatasının özəl sektorların nümayəndələrindən və İran şirkətləri və iqtisadi müəssisələrinin yüksək səviyyəli menecerlərindən ibarət nümayəndə heyəti məsləhətləşmələrə, əməkdaşlıq etməyə və potensial investisiya və müştərək istehsal sahələrini araşdırmağa tam hazırdır. Ona görə də hesab edirik ki, ikitərəfli əməkdaşlıq unikal iqtisadi imkanların yaradılmasına gətirib çıxara bilər” - deyə, o, əlavə edib.
Həsənzadə vurğulayıb: “765 kilometrlik ortaq sərhədi, tarixi, mədəni və dini əlaqələri və Şimal-Cənub Beynəlxalq Dəhlizi kimi regional təşəbbüslərə üzv olan iki ölkə iqtisadi mübadilənin genişləndirilməsi üçün geniş potensiala malikdir.
O, iki ölkə arasında əlaqələrin inkişaf etdirilməsi imkanlarından biri kimi tranzit və nəqliyyat sahəsini qeyd edərək deyib: “Şimal-Cənub dəhlizinin çatışmayan halqası kimi tanınan Rəşt-Astara dəmir yolu layihəsinin başa çatdırılması iki ölkə arasında tranzit əməkdaşlığının əsas prioritetidir. Bu layihə Asiya və Avropa arasında yüklərin daşınması üçün lazım olan vaxtı azaltmaqla yanaşı, İran və Azərbaycanın qlobal təchizat zəncirindəki rolunu da artıracaq. Həmçinin Astara və Bəndər Ənzəli limanlarının inkişafı və onların logistik əlaqəsi əməkdaşlıq üçün mühüm imkanlar sırasındadır.”
Sizin rəyiniz