Admiral Əlirza Təngsiri çərşənbə axşamı 10 Ordibehişt Fars Körfəzin Milli Gününə işarə edərək deyib: “Biz hesab edirik ki, əcnəbilərin regionda olması təhlükəsizliyi təhdid edir və region dövlətləri regiondankənar güclərin müdaxiləsi olmadan əməkdaşlıq etməlidir.”
Admiral regiondakı qlobal imperializmin məqsədlərinə toxunaraq deyib: “Düşmənlər qarışıqlıq yaratmaq və silah satmağa çalışırlar, lakin İran həmişə Fars körfəzinin təhlükəsizliyinin keşikçisi olub və olacaq.”
SEPAH Hərbi Dəniz Qüvvələrinin komandanı bəyan edib: “Ordibeheştin 10-u Fars Körfəzi Milli Günü bu strateji su yolunun 117 illik Portuqaliya işğalından azad edilməsini xatırlayır və İran xalqı bu günün adlandırılmasının arxasında duran fəlsəfə ilə tanış olmalıdır.”
“Bu gün 1622-ci ildə Fars körfəzi üzərində Portuqaliya müstəmləkəçiliyinin sona çatması, bölgənin xalqın müqaviməti və Səfəvi sərkərdəsi İmamqulu Xanın şücaəti nəticəsində azad edildiyi gündür” - deyə, o, qeyd edib.
Fars körfəzinin İran tarixində hər zaman xüsusi yeri olduğunu bildirən admiral Təngsiri deyib: “Neft və qazın belə nəzərə alınmadığı bir vaxtda müstəmləkəçilərin mövcudluğu bu su yolunun geosiyasi və strateji əhəmiyyətindən xəbər verir.”
Fars körfəzinin iqtisadi vəziyyətinə toxunan admiral Təngsiri deyib: “Regionun neftinin 62%-i və qazının 40%-i bu su yolu ilə ixrac olunur ki, bu da onun qlobal iqtisadiyyatda mühüm rolunu göstərir.”
Sizin rəyiniz