Pezeşkiyan: Müasir dünyada bütün problemlərin həll yolu var

Doktor Pezeşkiyan bu mərasimdə xidmət şəhidlərinin xatirəsini ehtiramla yad edib, “vətən uğrunda canlarını fəda edənlərlə fəxr edirik” cümləsini təkrarlayaraq əlavə edib: “Mən hamınızı problemlərin həllinə kömək etmək üçün vicdanla və səmimi şəkildə hərəkətə keçməyə çağırıram. Əgər siz meydana girsəniz, problemlər mütləq həll edilə bilər.”

Pezeşkiyan görkəmli kardioloq kimi bu mərasimin qaliblərindən biri ilə tanış olduğuna toxunaraq deyib: “O, kabinetində rahat oturub xəstələrin müalicəsi ilə məşğul ola, hətta bununla yaxşı gəlir əldə edə bilərdi, lakin məlumatım var ki, o, mütəmadi olaraq restoran sahiblərinin, fermerlərin, qida istehsalçıların və sairlərin yanına gedir, onlara ürək üçün faydalı qidalar istehsal etməkdə bələdçilik edir. Məhz bu baxış problemlərin həllində bizə kömək edə bilər.”

Prezident çıxışının davamında qeyd edib ki, bəlkə də, bundan əvvəl hər hansı səbəbdən bu sahədə iş görməyə imkan olmayıb, amma bu gün sizə ehtiyacımız var və biz sizin varlığınız və həll yollarını təqdim etməyiniz üçün arena yaratmağa çalışmışıq.

“Müasir dünyada bütün problemlərin həll yolu var. Biz hər bir sahədə uca və sonsuz olan Allaha ibadət edirik. Belə bir Allaha ibadət ediriksə, özümüzü zillətdə görməyimiz qəbuledilməzdir” - deyə, Prezident bildirib.

Pezeşkiyan “dünya insan üçün, insan elm üçün, elm əməl üçün, əməl isə ixlas üzərində yaradılmışdır” başlıqlı rəvayətə istinad edərək deyib: “Bu sonsuz və ecazkar dünyanın insanların elm öyrənmək və onu səmimiyyətlə və başqalarının xidmətində tətbiq etmək üçün yaradılmış olması təsəvvürü çox gözəl və ruhlandırıcıdır.”