Arif: İran elm və texnologiyanın inkişaf strategiyasında heç kimdən göstəriş almır

Məhəmməd Rza Arif bu gün (çərşənbə) səhər saatlarında hökumətin iclasında Amerika başçılarının İranın sıfır zənginləşdirmə ilə bağlı mövqeyinin ilk olmadığını və sonuncu da olmayacağını bəyan edərək deyib: “Əgər biz öz torpağımızda zənginləşdirmənin qarşısını almağa çalışsaydıq, son onilliklərdə ABŞ-ın sərt və qəddar sanksiyalarına dözməyə ehtiyac qalmazdı.”

“Amerika rəsmilərinin açıqlamaları ziddiyyətlidir, çünki dolayı danışıqlarda zənginləşdirmə ilə bağlı məsələlər qaldırsalar da, danışıqlar masasından kənarda, media mühitinin və ya fikri yemin təsirinə məruz qalaraq və sionist rejimi sakitləşdirmək üçün başqa məsələlər qaldırırlar” - deyə, o, əlavə edib.

Birinci vitse-prezident vurğulayıb: “İran İslam Respublikası dolayı danışıqlarda qeyd olunan eyni yolla gedir və İran İslam Respublikası rejiminin qırmızı xətti İran torpaqlarında zənginləşdirmədir. Biz nüvə silahı ardınca deyilik, lakin digər texnologiyalar kimi ölkənin bütün nüvə potensialından inkişaf və tərəqqi məqsədləri üçün istifadə edəcəyik.”