Norveçə səfərim Oslo Qlobal Forumunda iştirak məqsədi ilə idi. Bu forum beynəlxalq səviyyədə nüfuzlu elmi mərkəzlərdən biridir. Bu il Norveçin xarici işlər naziri məni və regionun bir sıra digər xarici işlər nazirlərini regional müzakirələr üçün dəvət etmişdi.
Forumun panellərindən biri Yaxın Şərqin gələcəyinə həsr olunmuşdu. Bu panel göstərdi ki, bölgənin gələcəyində hansı aktyorlar təsirli olacaq.
Bu panelin nəticəsi aydın oldu: əgər Yaxın Şərqin gələcəyini fərqli şəkildə formalaşdırmaq istəyiriksə, Fələstinlilərə ədalət bərpa olunmadan bu mümkün deyil.
Forum çərçivəsində Oman xarici işlər naziri ilə də görüşdüm və növbəti danışıqlar raunduna dair razılaşmalar yekunlaşdırıldı.
Səudiyyə Ərəbistanının xarici işlər naziri ilə də mühüm ikitərəfli görüşüm oldu. Xüsusilə Həcc mərasiminin sonunda iranlı zəvvarlar üçün yaradılmış şərait təqdirəlayiq idi.
Hazırda biz bazar günü keçiriləcək ABŞ-la növbəti danışıqlar mərhələsinə hazırlaşırıq. Bu görüş Hakimlər Şurasının yeni qətnaməsinin kölgəsində baş tutacaq və bu da müzakirələri daha mürəkkəb edəcək. Amma hər halda, biz Maskatda İran xalqının hüquqlarını müdafiə etmək üçün orada olacağıq.
Sizin rəyiniz