EKO Təşkilatı sionist rejimin İrana qarşı hücumunu qətiyyətlə pislədi

Bəyanatda deyilir:

“EKO Təşkilatının Katibliyi sionist rejimin İran İslam Respublikasına qarşı artmaqda olan zorakılığı və bunun nəticəsində regional sülhə yaranan təhlükəni ciddi narahatlıqla izləyir.”

“Bu hərbi hücum beynəlxalq hüququn və BMT Nizamnaməsinin fundamental prinsiplərinin kobud şəkildə pozulması olmaqla yanaşı, təşkilatın əsas üzvlərindən biri olan İranın suverenliyinə və ərazi bütövlüyünə yönəlmiş bir hücumdur və EKO tərəfindən qətiyyətlə pislənir.”

“Katiblik, son hücumlar nəticəsində mülki əhali arasında itkilərin və infrastrukturun zədələnməsinin yaratdığı acıya görə İran xalqına və hökumətinə dərin hüznlə başsağlığı verir.”

“Eyni zamanda, EKO Katibliyi vurğulayır ki, mülki hədəflərə, o cümlədən nəqliyyat və enerji infrastrukturlarına edilən hücumlar təkcə regionda deyil, həm də qlobal miqyasda sabitliyi ciddi təhlükə altına alır.”