"Silahlı qüvvələrimiz – istər Ordumuz, istərsə də SEPAH – indiyə qədər Sionist rejimə münasib cavablar verib. Əgər bu təxribatlar davam edərsə, cavablarımız daha sərt və qətiyyətli olacaq."
Prezident qeyd edib ki, beynəlxalq ictimaiyyət, xüsusilə də ABŞ, bu amansız hücumların qarşısını almaq əvəzinə, Sionist rejimə hərbi, kəşfiyyat və siyasi dəstək göstərməkdə davam edir. "Bu gün ölkəmizə qarşı istifadə edilən təyyarə, raket və silahlar məhz həmin dövlətlər tərəfindən təmin olunub və bu rejimə radar və hərbi sistemlər vasitəsilə kəşfiyyat dəstəyi verilir."
Necə ki, bu günə qədər qüdrətli İran İslam Respublikasının Ordusu və SEPAH-ı düşmən təxribatlarına münasib və sərt cavablar verib, əgər bu düşmən hərəkətləri davam edərsə, cavablarımız daha da qətiyyətli və ağır olacaq.
İslam dünyası və regionda yerləşən ölkələrdən gözlənilir ki, sionist rejimin və onun tərəfdarlarının təcavüzkar siyasətinə qarşı aydın, qəti və təsirli mövqe nümayiş etdirsinlər. Bu rejim, Amerikanın yaşıl işığı ilə və heç bir məhdudiyyət olmadan bölgədə hər cür cinayəti törədir.
ABŞ rəsmilərindən biri doktor Əraqçi ilə apardığı söhbətdə bildirilmişdir ki, sionist rejim Amerikanın icazəsi olmadan heç bir əməliyyat həyata keçirə bilməz və bu gün müşahidə etdiyimiz hadisələr Vaşinqtonun birbaşa dəstəyi ilə baş verir – hərçənd ki, onlar mediada bu dəstəyi gizlətməyə çalışırlar.
Hazırkı həssas şəraitdə, hökumət məsul qurumlarla birlikdə əziz xalqımıza daha təsirli xidmət göstərmək üçün həmrəy və birgə şəkildə fəaliyyət göstərəcəkdir. Bizlər də bu şəraitdə fikir ayrılıqlarını kənara qoyaraq, milli həmrəylik və birliyin qorunması naminə bir yerdə olmalıyıq.
Sizin rəyiniz