Seyid Kəmaləddin Mircəfaryan cümə günü İRNA-ya müsahibəsində Hökumət Həftəsini təbrik edərək, 13-cü hökumətin Ərdəbil əyalətində müxtəlif sektorlarda iki illik fəaliyyəti barədə deyib: “Ərdəbil əyalətinin müxtəlif yerlərində istər mülki, istərsə də iqtisadi sektorlarda, su, yol, təhsil və tibb məkanları, yaşayış sahələri üzrə əsas tədbirlərə başlanılıb. Bu layihələrdən bir neçəsi Hökumət Həftəsində istifadəyə veriləcək.”
O, Ərdəbil əyalətinin tikinti büdcəsi ilə bağlı deyib: “Əmlakın alınması üçün tikinti büdcəsi 6 trilyon rialdır. Təbii ki, bu rəqəmlə geniş proqram həyata keçirmək mümkün deyil. Bu səbəbdən ölkə səviyyəli resurslardan, xüsusən də Prezident səfərindən istifadə etmək qərara alınıb.
Vali və əyalət səlahiyyətlilərinin səyləri ilə Prezident səfərindən 65 trilyondan çox vəsait, həm də 56-cı maddənin imkanları daxil olmaqla, hüquqi imkanlar təmin ediləcək.”
Ərdəbil valisinin mülki koordinasiya məsələləri üzrə müavini hökumətin suyun verilməsi və ayrılması ilə bağlı addımlarını izah edərək bildirib ki, son 1,5 ildə hökumət yarımçıq qalmış layihələrin, o cümlədən bəndlərin istismarında su təchizatı sahəsində əsas tədbirlər görüb. Məsələn, 15 il idi ki, İmarət Su Bəndi layihəsi yarımçıq qalmışdı. Ötən il qalan işlər, o cümlədən hüquqi məsələlər başa çatdırılıb və bəndə su axıdılıb.