İRNA-nın məlumatına görə, İranın BMT-dəki səfiri və daimi nümayəndəsi Əmir Səid İrəvani CNN telekanalına müsahibəsində əlavə edib: Biz açıq şəkildə dedik ki, İran regionda Amerika qüvvələrinə qarşı hücumların heç birində iştirak etmir.
Demokratlar və Co Bayden hökumətinə yaxın olan Amerikanın CNN xəbər kanalı İranın BMT-dəki səfirinə istinad edərək, Tehranın oktyabrın 7-də İsrailə qarşı əməliyyatda birbaşa rol oynamadığını yazıb.
Bu xəbərə görə, İrəvani əlavə edib ki, İran və müqavimət qrupları arasında əməkdaşlıq və birgə səylər mövcuddur, lakin İran heç bir əməliyyat əmri vermir.
İranın Birləşmiş Millətlər Təşkilatındakı səfiri “İranın regionda Amerika qüvvələrinə qarşı hücumların heç birində iştirak etmədiyini açıq şəkildə söyləmişik” açıqlamasından sonra deyib: İraq və Suriyada ABŞ qüvvələrinə qarşı istənilən hücuma qruplar özləri qərar verir.
İrəvani deyib ki, o, Birləşmiş Millətlər Təşkilatındakı amerikalı həmkarı ilə İsraildəki münaqişə ilə bağlı heç bir “birbaşa danışıq” aparmayıb.
İrəvani Qəzza müharibəsi haqqında da deyib: İran vurğulayıb ki, biz bu müharibə cəbhəsini genişləndirmək fikrində deyilik.
İran səfiri əlavə edib ki, başqaları da bu sahədə öz rolunu oynamalıdırlar. O qeyd edib ki, Qəzzada qarşıdurma davam edərsə, müharibə daha da böyüyə bilər.