Seyid İbrahim Rəisi axşam çağı “İslam ölkələrinin səfirləri və müvəqqəti işlər vəkilləri” ilə görüşdə qonşularla əlaqələrin gücləndirilməsini İslam Respublikasının xarici siyasətinin əsas istiqamətlərindən biri kimi qeyd edib və əlavə edib: İran İslam Respublikası hərarətlə bütün qonşularının və İslam ölkələrinin əməkdaşlıq əlini sıxır və xarici siyasətimizin prioriteti İslam ölkələri ilə konstruktiv qarşılıqlı fəaliyyəti gücləndirmək, ümumi və qarşılıqlı maraqları təşviq etməkdir.
Regionun və İslam ölkələrinin ən böyük probleminin əcnəbilərin müdaxiləsi olduğunu deyən prezident bildirib ki, əgər iş İslam ölkələrinin özlərinin üzərinə düşsəydi, bu ölkələr fikir mübadiləsi və anlaşma yolu ilə öz aralarındakı məsələləri, hətta regional və regiondankənar məsələləri asanlıqla həll edə bilərdilər. O, dedi: Əcnəbilər öz siyasətlərini, baxışlarını və mənafelərini İslam ölkələrinin mənafeyindən üstün tutur və heç vaxt insanların və İslam ölkələrinin səadətini təmin etmək, problemlərini həll etmək barədə düşünmürlər.
Prezident bəyan edib ki, bu gün dünyanın bütün ölkələrində ən çox nifrət edilən rejim sionist rejimdir və istər müsəlman, istər qeyri-müsəlman, istənilən din, məzhəb və xalqa mənsub olan bütün dünya insanlarının gözündə Amerika zalımın, əzazilin himayədarı və süstləşmiş gücündən sionist rejimi dəstəkləmək üçün istifadə edən ölkə kimi tanınır. O, əlavə edib: Bu gün Fələstin xalqının düşmənlərinə qarşı nifrət bütün dünya insanlarının problemidir, ona görə də, fikrimizcə, bu ilki Qüds fərqli bir Qüds olacaq.
Sizin rəyiniz