Bəqai: İsrail Suriyadakı mürəkkəb vəziyyətdən Qəzzədə soyqırımı gücləndirmək üçün istifadə edir

İran Xarici İşlər Nazirliyinin mətbuat katibi İsmayıl Bəqai “Soyqırımın Qadağan edilməsi Konvensiyası”nın ratifikasiyasının ildönümü münasibətilə paylaşdığı mesajda X sosial şəbəkəsində yazıb: “Bu gün 1948-ci il dekabrın 9-da qəbul edilmiş “Soyqırımı cinayətinin qarşısının alınması və cəzalandırılması haqqında” Beynəlxalq Konvensiyanın ratifikasiyası günüdür.
Dünyada soyqırımın təkrarlanmamasını təmin etməli olan müqavilənin ratifikasiyasından 76 il sonra gözümüzün qarşısında işğal altında olan Fələstində genişmiqyaslı soyqırımı baş verir.
Fələstin insan haqları üzrə xüsusi məruzəçi Francesca Albanesenin 2024-cü ilin oktyabrnda İnsan Hüquqları Şurasına təqdim etdiyi hesabatına görə, “İsrail Fələstini məhv etmək məqsədinə əsaslanaraq formalaşıb və onun bütün siyasi sistemi bu hədəfə çatmağa yönəlib”.
Əslində, “soyqırım Fələstində bir əsrdir davam edən müstəmləkələrin məhv edilməsi layihəsinin bir hissəsidir; (Bu soyqırım) beynəlxalq sistem və bəşəriyyət üçün rüsvayçılıqdır, onun qarşısı alınmalı, araşdırılmalı və mühakimə olunmalıdır.”
Uzun müddət əvvəl, 26 yanvar 2024-cü ildə Beynəlxalq Ədalət Məhkəməsi soyqırımın dayandırılması və Soyqırım Konvensiyasına zidd hər hansı hərəkətin qarşısının alınmasının zəruriliyi ilə bağlı aydın qərarlar verdi.
İşğalçı rejim bununla bağlı Məhkəmənin 6 müvəqqəti sərəncamının heç birini icra etməyib və soyqırımı törətməkdə davam edir.
Bu günlərdə İsrail rejimi Suriyadakı mürəkkəb vəziyyətdən istifadə edərək Qəzzədə soyqırımı daha da gücləndirir.
Beynəlxalq ictimaiyyətin insanlığa dəstək olmaq və yüz ildir davam edən bu soyqırımına son qoymağın vaxtı çatıb.”