Livan Hizbullahı bu bəyanatda vurğulayıb: “Biz hökuməti İran təyyarələrinin Beyrut hava limanına enməsinin qarşısını almaq qərarından dönməyə, sionist düşmənin milli suverenliyə təcavüzünün və onun diktələrinin qarşısını almaq üçün ciddi tədbirlər görməyə çağırırıq.”
Bəyanatda bildirilir: “Biz Rəfiq Həriri hava limanında UNIFIL qüvvələrinə (Livanın cənubunda yerləşən BMT sülhməramlı qüvvələri) son hücumu pisləyirik və onlara qarşı hər hansı hücuma qəti şəkildə qarşıyıq.”
“Livan hökumətini dinc oturaq aksiyalarla bağlı öhdəliklərini yerinə yetirməyə çağırırıq. Həmçinin hərbçiləri şənbə günü dinc aksiyalara hücumu araşdırmağa və daxili sabitliyin qorunmasında hərbi qurumun rolunu qorumaq üçün addımlar atmağa çağırırıq” - deyə, bəyanatda qeyd olunur.
Hizbullah Hərəkatının bəyanatında əlavə olunur ki, aeroport yolunda keçirilən aksiya sionist rejimin Livanın daxili işlərinə qarışmasını pisləyən dinc aksiya idi. Livan əsgərlərinin gözyaşardıcı qazdan istifadə etməsi mülki şəxslərə qarşı hücum kimi qiymətləndirilir.
Livan Hizbullahı şənbə günü ölkə xalqını sionist rejimin müdaxiləsini, şərtləri diktə etməsini və milli suverenliyi pozmasını pisləmək üçün Beyrut Hava Limanına gedən köhnə yolda toplaşmağa çağırıb.
Bu aksiyada Livan xalqı hökumətin İran təyyarələrinin Beyrut hava limanına enməsinə mane olan hərəkətinə etiraz edib.
Sizin rəyiniz