İran İslam Respublikasının Xarici İşlər naziri Seyid Abbas Əraqçi Fars Körfəzi Əməkdaşlıq Şurasının baş katibi Casim Məhəmməd Əl-Budəyvi ilə görüşündə İran İslam Respublikası və Əməkdaşlıq Şurasına üzv ölkələrin xarici işlər nazirlərinin Dohada ilk iclasının keçirilməsinə toxunaraq, region ölkələri arasında əməkdaşlıq və yaxınlaşmaya uyğun olaraq, regionda baş verən hadisələrin həssaslığını və əhəmiyyətini nəzərə alaraq, iki tərəf arasında dialoq və anlaşmanın davam etdirilməsinin zəruriliyini vurğulayıb.
Əraqçi Ərəb ölkələrinin, xüsusən də Fars körfəzi regionunda Qəzzə əhalisini zorla köçürmək və başqa ölkələrə yerləşdirmək kimi Amerika-sionist planını pisləmək və ona qarşı çıxmaqda tutduğu mövqeləri yüksək qiymətləndirib, sionist rejimin baş nazirinin Səudiyyə Ərəbistanı torpaqlarında Fələstin dövlətinin yaradılması ilə bağlı həyasız açıqlamalarını pisləyib.
Əraqçi İslam Əməkdaşlıq Təşkilatının baş katibi, həmçinin Ərəb və İslam ölkələrinin xarici işlər nazirləri ilə apardığı məsləhətləşmələrə və onların ABŞ və sionist rejimin Fələstini məhv etmək üçün birgə planına qarşı çıxmaq məqsədilə İslam Əməkdaşlıq Təşkilatının ciddi hərəkatına verdiyi dəstəyə işarə edərək deyib: “Fələstin xalqının hüquqlarının müdafiəsi üçün İslam dünyasından vahid və qətiyyətli səs eşidilməlidir.”
Sizin rəyiniz