Omanda səfərdə olan ölkəmizin Xarici İşlər naziri Seyid Abbas Əraqçi fevralın 17-də Hind Okeanı Hövzəsi Konfransı çərçivəsində görüşlərinin davamında Yəmən Milli Qurtuluş Hökumətinin mətbuat katibi və müzakirə qrupunun rəhbəri Məhəmməd Əbdül Salam ilə görüşüb.
Xarici İşlər naziri bu görüşdə Yəmən hökuməti və xalqının sionist rejimin Qəzzədə on altı ay davam edən işğal və soyqırımına qarşı məzlum Fələstin xalqı ilə şərəfli həmrəyliyini yüksək qiymətləndirib, bu dəstəyin Fələstin xalqının qələbə çalmasında, müqavimətində və sionist rejimə qarşı atəşkəsdə mühüm rol oynadığını vurğulayıb.
Əraqçi həmçinin İran İslam Respublikasının Yəmənin ərazi bütövlüyü və milli suverenliyini dəstəkləməkdə prinsipial mövqeyini qeyd edərək deyib: “Yəməndə sabitlik və təhlükəsizlik bütün regionun təhlükəsizliyi və davamlı inkişafında mühüm rol oynayır.”
Yəmən Milli Qurtuluş Hökumətinin mətbuat katibi və danışıqlar qrupunun rəhbəri Məhəmməd Əbdül Səlam da sionist rejimə qarşı atəşkəs razılaşmasının tətbiqindən məmnunluğunu ifadə edərək deyib: “Biz regionda baş verən prosesləri və atəşkəs razılaşmasının icrasını izləyirik və təcavüzkarların istənilən hərəkətinə qarşı tam hazırıq. Yəmənin Fələstin xalqına dəstək istiqamətində gələcək fəaliyyətləri qarşı tərəfin atəşkəs rejiminə tam şəkildə əməl etməsinə nə dərəcədə əməl etməsindən asılıdır.”
Sizin rəyiniz