İsmayıl Bəqai bu terror aktını və günahsız insanların qətlə yetirilməsini bütün İslam prinsiplərinə, hüquqi və humanitar normalara zidd olan cinayət əməli kimi qiymətləndirib, ölənlərin ailələrinə, Pakistan hökumətinə və xalqına başsağlığı verib, əminlik verib ki, İran İslam Respublikasının səlahiyyətli təhlükəsizlik və məhkəmə orqanları bu cinayəti törədənlərin və səbəbkarların müəyyən edilərək məsuliyyətə cəlb olunması üçün səylərini əsirgəməyəcəklər.
Bəqai terrorizmin bütün növlərini pisləyərək, milli və regional səviyyədə bu məşum hadisə ilə mübarizə aparmağın zəruriliyini vurğulayıb, İranın bu sahədə əməkdaşlıq və koordinasiyanı gücləndirməyə hazır olduğunu bildirib.
İRNA-nın məlumatına görə, aprelin 12-də şənbə günü, səhər saatlarında terror aktında, Sistan və Bəlucistan əyalətinin Mehristan şəhərinin “Hizabade Payin” kəndində avtomobil təmiri sahəsində çalışan azı 8 Pakistan vətəndaşı naməlum silahlı şəxslər tərəfindən qətlə yetirilib.
Sizin rəyiniz