“Əl-Ərəbi Əl-Cədid” xəbər və analitik internet saytı bazar günü Qəzza zolağındakı son vəziyyətlə bağlı hesabatında yazıb: Sionist rejimin Qəzza zolağına qarşı müharibəsinə etirazların güclənməsinə və onun dayandırılmasının vacibliyinə rəğmən, Netanyahunun başçılıq etdiyi İsrail hökuməti 7 oktyabr 2023-cü ildən bəri Qəzza zolağında törətdiyi soyqırıma israr edir. Şənbə gecəsi minlərlə sionist Təl-Əvivin mərkəzində toplaşaraq Fələstin müqaviməti ilə əsir mübadiləsi razılaşması çərçivəsində Qəzza zolağından sionist əsirlərin geri qaytarılmasını tələb edib, lakin Netanyahu müharibə təbilini çalmağa davam edir.
Bununla əlaqədar olaraq, Fələstin mənbələri bu gün səhər saatlarında Qəzza zolağının mərkəzində Nuseyrat düşərgəsinin qərbində bir evin bombalanması nəticəsində 3 fələstinlinin şəhid olması və bir neçə nəfərin yaralanması barədə məlumat yayıb.
Sizin rəyiniz