Xarici İşlər Nazirliyi və Atom Enerjisi Təşkilatı Beynəlxalq Atom Enerjisi Agentliyinin baş direktorunun Qubernatorlar Şurasının 2025-ci ilin iyununda keçiriləcək iclasına məruzəsi ilə bağlı birgə bəyanat yayıb.
Bu bəyanatın mətnində deyilir: Beynəlxalq Atom Enerjisi Agentliyinin baş direktorunun 31 may 2025-ci il tarixli GOV/2025/25 sənədində yer alan son hesabatı fonunda İranın Xarici İşlər Nazirliyi və Atom Enerjisi Təşkilatı aşağıdakıları vurğulamağı zəruri hesab edir:
Böyük Britaniya, Fransa, Almaniya və Amerika Birləşmiş Ştatlarının hökumətləri İran İslam Respublikasına qarşı beynəlxalq hüququn prinsiplərinə zidd olaraq qeyri-qanuni birtərəfli sanksiyalar və təzyiqlərə əl atmaqla, Birgə Hərtərəfli Fəaliyyət Planı (JCPOA) və 2231 saylı Qətnamə üzrə öhdəliklərini dəfələrlə pozublar. Agentliyin Qubernatorlar Şurasının 2024-cü ilin noyabrında keçirilən iclasında bu ölkələr siyasi və əsassız addımla və BAEA-nın baş direktorunun İrana səfərinin nailiyyətlərini nəzərə almadan İran əleyhinə qətnamə təqdim etdilər və nəticədə çoxlu sayda üzv qətnamənin təsisçilərinin bu siyasi və dağıdıcı yanaşmasını dəstəkləmədi.
Birgə bəyanatda daha sonra deyilir: Bu yanaşma bir daha sübut etdi ki, üç Avropa hökuməti və Birləşmiş Ştatlar BAEA-nın etibarlılığını qorumaq və həmçinin razılığa gəlməyə çalışmaq iddiasında səmimi deyillər. Onlar agentlikdən mövcud siyasi prosesləri istismar etmək məqsədilə alət kimi istifadə etmək üçün səylərini əsirgəməyiblər.
Sizin rəyiniz