İRNA-nın bu gün (çərşənbə axşamı) Fələstinin “ Şahab ” xəbər agentliyinə istinadən verdiyi məlumata görə, HƏMASın mətbuat katibi Hazim Qasim vurğulayıb ki, işğal olunmuş Qüdsdəki “Sub Laban” ailəsinin evinin boşaldılması və sionist mühacirlərə verilməsi Fələstin xalqına qarşı etnik təmizləmə cinayətidir.
Mətbuat katibi bu cinayətin sionistlərin işğal olunmuş Qüdsün ərəb və islami kimliyinə qarşı apardığı müharibənin bir hissəsi olduğunu bildirib.
Qasim qeyd edib ki, bu cinayət bizim müqəddəslərimizə qarşı aparılan dini müharibə, bütün beynəlxalq və humanitar qanunların pozulması istiqamətindədir.
HƏMAS sözçüsü eyni zamanda beynəlxalq qurumlara və ictimaiyyətə müraciət edərək onları sionist işğalçı rejim tərəfindən fələstinlilərin Qüdsdən didərgin salınması cinayəti ilə bağlı aydın və əməli mövqe tutmağa, media qınaqları ilə kifayətlənməməyə çağırıb.
Xəbərlərə əsasən, sionist işğalçı qüvvələr bu gün səhər saatlarında işğal olunmuş Qüdsün qədim Əqəbə Xalidiyyə bölgəsində yerləşən “Sub Laban” ailəsinin evini zəbt edərək, sionist mühacirlərə təhvil veriblər.
Sionistlər bu fələstinli ailəni evlərini tərk etməyə məcbur ediblər və onları müdafiə edən bir neçə fələstinlini də həbs ediblər.
Evi sionistlər tərəfindən zəbt edilmiş fələstinli qadın Nura Sub Laban sionistlərin qarşısında səslənərək deyib ki, Fələstin torpağı bizimdir və biz onu heç vaxt tərk etməyəcəyik. Məhz siz işğalçılar və sionistlər tənəzzül və məhvlə üz-üzəsiniz və zülm uzun sürməyəcək.
Sizin rəyiniz