İRNA-nın məlumatına görə, Nasir Kənani cümə günü tvitində yazıb: “İşğalçı və cinayətkar sionistlər uzun illər öz qondarma rejimini Qərbi Asiya regionunda ən demokratik qurum kimi göstərməyə çalışıblar.
İndi sionist diktatorların üzlərindən maska düşüb və etirazçıların cavabı dəmir yumruqdur.”
Kənani əlavə edib: “Etiraz liderləri Netanyahuya İsrailin uçurumun yanında olduğu barədə xəbərdarlıq ediblər.”
İRNA-nın məlumatına görə, son həftələrdə sionist rejimdə bu rejimin hakim kabinetinə qarşı geniş və misli görünməmiş ictimai etirazlar baş tutub.
Sionist rejimin hakim kabineti iyulun sonunda Knessetin yay tətilindən əvvəl məhkəmə dəyişiklikləri ilə bağlı qanun layihəsini təsdiq etməyi planlaşdırır.
Sionist rejimin hakim kabinetinin bu rejimin məhkəmə sisteminə nəzarəti ələ ala bilmək üçün cəhdi və müxalifət koalisiyasının knessetdəki müqaviməti bu rejimdə siyasi parçalanmanı daha da gücləndirib.
Sionist rejimdəki müxalif qrupların rəhbərləri hesab edirlər ki, Netanyahunun məhkəmə dəyişiklikləri ilə bağlı qanun layihəsinin məqsədi bu rejimin məhkəmə sistemini zəiflətmək və Netanyahunun onun üç korrupsiya və rüşvət işi üzrə mühakiməsinin qarşısını almaq cəhdidir. Onlar hesab edirlər ki, kabinetin bu hərəkətləri sionist rejimi münaqişəyə və vətəndaş müharibəsinə və tədricən süquta sürükləyəcək.
Sizin rəyiniz