İRNA-nın məlumatına görə, İranın yeni döyüş PUA-sı nümayiş etdirməsinin ardınca sionist KİV-i bu hadisəni təhlil edərək yazıb ki, İran bu PUA ilə İsraili hədələyə bilər.
"Jerusalem Post" qəzeti çərşənbə axşamı yazıb ki, İran milli müdafiə sənayesi gününü ölkənin müdafiə sənayesinin son nailiyyəti olan yeni PUA-nı nümayiş etdirməklə qeyd edib.
"Mühacir-10" PUA 2000 km uçuş məsafəsinə malikdir və 7000 metr yüksəklikdə 24 saat uça bilir. Bu o deməkdir ki, İran bu PUA-dan İsraili və ya bölgədəki Amerika qüvvələrini təhdid etmək üçün istifadə edə bilər.
İranın PUA-ları son illərdə diqqət mərkəzindədir. Yeni PUA ABŞ istehsalı olan “Reaper” PUA-sı ilə, eləcə də raket kimi ağır silahları daşıya bilən bu sinifdəki digər oxşar PUA-larla bənzər cəhətləri var.
Qəzet İranın PUA bazarında oyunçuya çevrildiyini, PUA-larının çeşidini və növünü artırdığını yazıb. İranın PUA sənayesinin təməlləri səksəninci illərdə atılıb. İran son illərdə PUA-larını silahlandırmağı və onların imkanlarını artırmağı bacarıb.
İran bu PUA-nı İran prezidenti Ayətullah Seyid İbrahim Rəisinin iştirak etdiyi mərasimdə nümayiş etdirdi və bu silahın Tehran üçün nə qədər əhəmiyyətli olduğunu göstərdi.
“Mühacir 10” PUA-sının maksimal yanacaq tutumu 450 litr, maksimal yükdaşıma qabiliyyəti isə 300 kq-dır. Bu PUA-nın maksimal sürəti saatda 210 kilometrdir və hər cür döyüş sursatı və “Qaim”, “Almas” və “Dəstvare” raketləri daşımaq qabiliyyətinə malikdir. Habelə, elektron döyüş və kəşfiyyat sistemləri ilə təchiz edilib.
Amerikanın "Associated Press" agentliyi də bu başlıqlı xəbərdə İranın MQ-9 Reaper-ə bənzər, potensial olaraq işğal olunmuş Fələstinə çata biləcək silahlı PUA-nı nümayiş etdirdiyini yazıb.
Sizin rəyiniz