İRNA-nın hökumət sahəsi üzrə müxbirinin verdiyi məlumata görə, Məhəmməd Dehqan “Birinci sıra” proqramında şəhid Süleymaninin terror edilməsi ilə bağlı işin izlənməsinin son vəziyyətinə toxunaraq deyib: “Şəhid Süleymaninin terror edilməsi işi ən mühüm bir dosyelərdəndir və onun izlənməsi Prezidentin hüquq məsələləri üzrə müavinliyinin Beynəlxalq Hüquq Məsələləri Mərkəzinin öhdəsinədir. Hökumətin fəaliyyətinin başladığı ilk vaxtlarda bu işin izlənmə prosesi dayandırılmışdı. Şəhid Süleymaninin namərdliklə terror edilməsindən sonra ölkədə bu işin necə izlənməsi barədə müxtəlif fikirlər irəli sürülürdü. Xoşbəxtlikdən, Ayətullah Rəisinin hökumətində bu iş peşəkarcasına həll oldu və işin idarə olunması üçün beynəlxalq hüquqşünasların rəyi alındı.”
O, daha sonra şəhid Süleymaninin terror edilməsi ilə bağlı məhkəməyə müraciət etməyə hazırlıq getdiyini bildirərək deyib: “Sentyabr ayında və yaxın günlərdə Amerikaya lazımi xəbərdarlıq ediləcək. Beynəlxalq Ədalət Məhkəməsinin qaydalarına əsasən, arbitraj üçün altı ay vaxt verdikdən sonra biz onları arbitraja dəvət etməliyik. Əgər onlar arbitrajı qəbul etməsələr, gələn ilin yazında İran şəhid Süleymaninin terroru ilə bağlı iddiasını Beynəlxalq Ədalət Təşkilatında qeydə alır. Ona görə də hüquqi fəaliyyət prosesinə başlanılıb və danışıqlara dəvət tələb olunur ki, bu da təxminən iki ay çəkir.”
Sizin rəyiniz