İRNA-nın Ali Milli Təhlükəsizlik Şurasının Katibliyinə istinadən verdiyi xəbərə görə, Azərbaycan Prezidentinin xüsusi tapşırıqlar üzrə nümayəndəsi Xələf Xələfov bu gün (çərşənbə) Ali Məqamlı Rəhbərin nümayəndəsi, ölkəmizin Ali Milli Təhlükəsizlik Şurasının katibi Əli Əkbər Əhmədyanla görüşüb.
Bu görüşdə tərəflər ikitərəfli münasibətlərin bütün ölçülərdə inkişafını və Qafqaz regionunda baş verən son hadisələri müzakirə ediblər.
Əhmədyan bu görüşdə İran İslam Respublikasının regionu hər hansı bir təhlükəsizlik və böhrandan uzaqlaşdırmaq üçün xüsusi əhəmiyyət verməsini diqqətə çatdıraraq, regional formatlarda dialoq yolu ilə sülh və sabitliyin və davamlı təhlükəsizliyin yaradılması üçün ölkələrin birgə səylərinin zəruriliyini vurğulayıb.
Ölkəmizin Ali Milli Təhlükəsizlik Şurasının katibi Qarabağın Azərbaycan Respublikasına birləşdirilməsi ilə bağlı İran İslam Respublikasının sabit siyasətinə toxunaraq deyib: “Başqalarının Zəngəzur dəhlizi məsələsi ilə bağlı irəli sürdükləri kimi regionda geosiyasi dəyişikliklərə səbəb olan hərəkətlər, bu strateji sahədə yeni böhranlara səbəb olacaq.”
O, belə addımların regionun təhlükəsizliyi və sabitliyi üçün təhlükələrini izah edərək deyib: “İslam Respublikası regionda geosiyasi dəyişikliklərə səbəb olan istənilən planın qəti əleyhinədir.”
Ölkəmizin Ali Milli Təhlükəsizlik Şurasının katibi Tehran-Bakı əlaqələrinin hərtərəfli inkişafı üçün iki ölkə liderlərinin iradəsinə toxunaraq, ölkəmizin bu mühüm işi həyata keçirməyə hazır olduğunu bir daha bəyan edib.
Azərbaycan Prezidenti İlham Əliyevin xüsusi tapşırıqlar üzrə nümayəndəsi Xələf Xələfov da Azərbaycan Respublikasının bölgədə sülh və sabitliyin qorunması, o cümlədən regional məsələlərin regional çərçivələrdə həlli istiqamətində siyasətinə toxunaraq, İran İslam Respublikası ilə əlaqələrin genişləndirilməsini vurğulayıb.
Sizin rəyiniz