Fələstindəki və beynəlxalq təşkilatlar Qəzzaya humanitar yardım edilməsi və hücumların dayandırılmasını tələb ediblər

İRNA-nın şənbə günü Əl-Cəzirə-yə istinadla verdiyi xəbərə görə, Fələstin Qızıl Aypara Cəmiyyəti bir bəyanatda bildirib: İsrailin Qəzzada Əl-Qüds xəstəxanasını boşaltma qərarının qarşısını almaq üçün beynəlxalq ictimaiyyətdən müdaxilə etməyi xahiş edirik.

Fələstinli qruplar da verdikləri bəyanatda vurğuladılar: Birləşmiş Millətlər Təşkilatı və Qırmızı Xaç Komitəsindən Qəzzaya qarşı hüquqi və mənəvi məsuliyyətlərini üzərlərinə götürmələrini xahiş edirik.

Bu bəyanatda deyilir: Biz Misir prezidentindən yaralıları müalicə üçün Misir xəstəxanalarına çatdırmağa çalışmasını xahiş edirik.

Fələstin müqavimət qrupları daha sonra vurğulayıblar: Biz Fələstin xalqının birliyini və onların işğala qarşı müqavimət haqqını vurğulayırıq.

Həmçinin, BMT-nin Qaçqınlar üzrə Baş komissarı Filippo Grandi bu barədə bildirdi: Beynəlxalq humanitar qanunlara hörmət edilməli və BMT-nin Qəzza zolağına yardım göndərməsinə icazə verilməlidir.

O, deyib: Biz istəyirik ki, Birləşmiş Millətlər Təşkilatının Yaxın Şərqdəki Fələstinli Qaçqınlara Yardım və İşlər üzrə Agentliyi (UNRWA) öz həyat verən missiyalarını yerinə yetirmək üçün lazımi yardım və dəstəyə malik olsun.

Əl-Əqsa tufanı əməliyyatının səkkizinci gününə daxil olması və müqavimət döyüşçülərinin sionist rejimə qarşı döyüşlərdə nadir qələbələr əldə etməsi ilə İsrail rejiminin bombardmançıları Təl-Əviv rəsmilərinin əmri ilə dəlicəsinə Qəzzadakı yaşayış məntəqələrinə, tibb mərkəzlərinə, məscidlərə və fələstinli qaçqınların toplaşdığı yerləri bombalayırlar.

İndiyədək işğal olunmuş ərazilərdə müqavimət əməliyyatlarını dayandırmaq cəhdləri uğursuzluğa düçar olan və hələ də Fələstin müqaviməti qarşısında misilsiz məğlubiyyətin şokunda olan bu rejimin rəhbərləri, fələstinli mülki əhalini hədəf almağa davam edir və Qəzzanı yandırılmış torpağa çevirərək fələstinliləri məcburi köçkünə çevirmək istəyirlər.

Qəzza Səhiyyə Nazirliyinin açıqladığı son statistikaya əsasən, sionist rejimin indiyədək Qəzza zolağında sıx məskunlaşma bölgələrinə hücumları nəticəsində 2215 nəfər şəhid olub və 8714 nəfər yaralanıb.

Qəzzanın Səhiyyə Nazirliyi şəhidlər arasında 724 uşaq və 458 qadın olduğunu açıqlayıb.