İRNA-nın məlumatına görə, Hüseyn Əmir Abdullahian bazar ertəsi axşam Tehranda keçirilən 3+3 formatında xarici işlər nazirlərinin iclasının açılış mərasimində deyib: İlk növbədə, bu günlərdə bombardmanlar və insan haqlarının kobud şəkildə pozulması fonunda sionist soyqırımı adlanan dəhşətli fenomenlə üz-üzə qalan bütün fələstinli şəhidlərin, qadınların və uşaqların ruhunu ehtiramla yad edirik.
Xarici işlər naziri əlavə edib: Biz inanırıq ki, bu gün bütün ölkələrimiz üçün tarixi fürsətdir. Cənubi Qafqazda müharibə artıq başa çatıb və Qafqazda sülhün, əməkdaşlığın və inkişafın vaxtı çatıb.
O, vurğulayıb: Bu kritik və həlledici məqamda beynəlxalq ictimaiyyətin dinc əhaliyə, xüsusilə də qadınlara və uşaqlara qarşı müharibə cinayətlərini dərhal dayandırması, blokadanın götürülməsi, Qəzzaya humanitar yardım göndərilməsi və Qəzza sakinlərinin məcburi köçürülməsinə qarşı qondarma İsrail rejiminə vahid və güclü mesaj verməsinə ehtiyac duyulduğuna diqqət çəkib. Bundan əlavə, Birləşmiş Millətlər Təşkilatının təsdiq etdiyi qətnamələrə əsasən, Fələstin xalqının öz müqəddəratını təyinetmə hüququ məsələsi Birləşmiş Millətlər Təşkilatının üzvləri və region ölkələri tərəfindən vurğulanmalıdır.
Sizin rəyiniz