Qəzzada “Nasir” xəstəxanasının kritik vəziyyəti; dərman çatışmazlığından tutmuş yanacaq çatışmazlığına qədər

İRNA-nın ərəb mətbuatına istinadən verdiyi məlumata görə, Fələstin Səhiyyə Nazirliyinin Qəzzadakı sözçüsü Əşrəf əl-Qədəra vurğulayıb: “Sionist işğalçılar bu xəstəxana kompleksinə sığınan 300 tibb işçisinin, xəstəxanada 450 yaralının və 10 min köçkünün həyatını birbaşa təhlükə altında qoyublar.”

O, sözügedən xəstəxana kompleksinin anestezik dərmanlar, reanimasiya xidmətləri, cərrahi əməliyyatlar, eləcə də cərrahi avadanlıq və sap çatışmazlığı ilə üzləşdiyni qeyd edib.

Qəzza Səhiyyə Nazirliyinin sözçüsü bildirib: “Nasir xəstəxana kompleksinin elektrik generatorları yanacaq çatışmazlığı səbəbindən dörd gün ərzində sıradan çıxacaq, xəstəxanaya sığınan tibb işçilərinə, yaralılara və qaçqınlara yemək verilmir.”