İslami Cihad Hərəkatının Baş katibi: İran xalqına və rəhbərliyinə davamlı dəstəyə görə təşəkkür edirəm

Fələstin İslami Cihad Hərəkatının Baş katibi Ziyad Əl-Nəxalə Ali Məqamlı Rəhbərin saytına müsahibəsində deyib: “Təcavüzün yeddinci ayına qədəm qoyuruq və düşmən öz məqsədlərinə çatmayıb.”

O, bəyan edib: “Düşmən nəinki məqsədlərinə çatmayıb, əksinə, günü-gündən geri çəkilir.”

Əl-Nəxalə əlavə edib: “Qəzzədə müqavimət həm meydanda, həm də siyasi sahədə güclü və aydın bir mövqeyə malikdir.”

O əlavə edib: “Düşmən qüvvələri Qəzzənin qumlarında və toqquşmalarda boğulub, mücahidlər onların sıralarını böyük itkilərə məruz qoyublar.”

Hərəkat lideri qeyd edib ki, bir vaxtlar hamı Qəzzə zolağını sıxışdırmaqla hədələyirdisə, indi müqavimətlə danışıqlar aparırlar. Çünki Qəzzə müqavimət və dirəniş göstərdi. Müqavimət duruş göstərməsəydi, heç kim danışıqları xahiş etməzdi. Qərb Qəzzə zolağı üçün deyil, İsrail üçün həll yolu axtarır. ABŞ İsrail qüvvələrini Qəzzədən çıxarmağa bir yol tapmaq üçün danışıqlar aparır.

Fələstin İslami Cihad Hərəkatının Baş katibi sionist rejim səlahiyyətlilərinin qurudan Rəfəhə daxil olmaq təhdidlərinə reaksiya verərək vurğulayıb: “Onların Rəfəhə girəcəyindən qorxmuruq. Çünki mütləq eyni müqavimətlə qarşılaşacaqlar.”