İran ekstremist sionistlər tərəfindən Məscidül-Əqsanın təhqir edilməsini kəskin şəkildə pislədi

Nasir Kənani əlavə edib: “Radikal sionistlərin qəsbkar İsrail rejiminin hərbi və təhlükəsizlik qüvvələrinin dəstəyi ilə Məscidül-Əqsaya qarşı təhqiredici hərəkəti, bu təxribatçı aksiyanın Qəzzə zolağı və İordan çayının qərb sahilində sionist aparteid rejiminin soyqırım və cinayətlərinin davam etməsi ilə eyni zamanda baş tutması, bu rejimin Fələstində və regionda böhranın miqyasını gücləndirmək niyyətini göstərir.”

Diplomatik qurumun sözçüsü vurğulayıb: “Fələstin torpağı və Məscidül-Əqsa İbrahimi dinlərin bütün həqiqi ardıcılları tərəfindən hörmətlə qarşılanır. Sionist irqçi təriqət bu cür təhqiredici və təxribatçı hərəkətlərdən, qlobal, xüsusən də müsəlman xalqlar arasında nifrətdən başqa heç nə qazanmayacaq.”

Kənani qeyd edib ki, uşaq öldürən və işğalçı İsrail rejimi indi dünyada heç vaxt olmadığı qədər təcrid olunub və bu cür hərəkətlər yalnız bu təcridin daha da kəskinləşməsinə və nifrətinin daha da artmasına səbəb olacaq.