Çin: Qəzzada yüzlərlə yardım işçisinin öldürülməsi tarixdə görünməmiş bir hadisədir

Çinin BMT Təhlükəsizlik Şurasındakı nümayəndəsi Liu Ci Yi çərşənbə axşamı Qəzza zolağında ağır humanitar vəziyyətlə bağlı xəbərdarlıq edib.
Çinin BMT-dəki nümayəndəsi deyib: “Qəzza zolağında baş verən insan fəlakəti insan tərəfindən törədilib”.
O, daha sonra deyib: Qəzzada humanitar sektorun yüzlərlə fəalı öldürülüb ki, bu da tarixdə görünməmiş bir hadisədir.
Liu Ci Yi əlavə edib: 2720 saylı qətnamə Qəzzaya yardımın inkişafına əsaslanıb, lakin bu məsələ baş tutmayıb və bununla bağlı araşdırma aparılmalıdır.

Qəzza müharibəsi başlayandan bəri ən azı 37.900 fələstinli şəhid olub, 87.000 nəfər isə yaralanıb. Fələstinlilər ciddi ərzaq, dərman çatışmazlığı və içməli suya çıxışın olmamasından əziyyət çəkirlər.