İRNA-nın müxbirinin verdiyi məlumata görə, Azərbaycan Prezidenti İlham Əliyev “Dördüncü Sənaye İnqilabı Əsrində Yeni Media” Forumunda İRNA-nın Azəri internet saytının açılması və Bakıda ofisinin yaradılması ilə bağlı İRNA müxbirinin sualına cavabında deyib: “Mən ümid edirəm ki, “İRNA Azərbaycan” doğrudan da iki ölkə arasında münasibətin güclənməsinə müsbət təsir göstərəcək. Çünki məsuliyyətli KİV qonşu ölkələr arasında əlaqələrin möhkəmlənməsinə kömək edir.”
Prezident əlavə edib: “Düşünürəm ki, münasibətləri möhkəmləndirməyin ən yaxşı üsulu auditoriyanızı Azərbaycandakı reallıqlar və Qarabağın bərpa prosesi haqqında məlumatlandırmaqdır.”
Azərbaycan Respublikası Prezidenti vurğulayıb: “Əlbəttə, daha yaxşı olardı ki, İranda daha çox insan Azərbaycanın daha geniş regional əməkdaşlıq gündəliyi haqqında məlumatlı olsun.”
İlham Əliyev İRNA-nın Azərbaycan Respublikasındakı rəhbərlərinə və müxbirlərinə uğurlar arzulayaraq qeyd edib: “Əminəm ki, siz İran və Azərbaycan arasında münasibətlərin güclənməsində mühüm rol oynayacaqsınız.”
İRNA-nın baş direktoru Əli Nadiri Azərbaycan Respublikasına 4 günlük səfəri zamanı Şuşa şəhərində keçirilən “Dördüncü Sənaye Əsri dövründə Yeni Media” Forumu günlərində İRNA Xəbər Agentliyinin az.irna.ir Azəri bölməsinin açılışını edib.
Nadiri İRNA-nın Azərbaycan dili bölməsinin açılışı zamanı vurğulayıb: “Yaxın vaxtlarda iki qonşu ölkə arasında əlaqələrin möhkəmləndirilməsi məqsədi ilə İRNA-nın Bakıda ofisi açılacaq.”
Sizin rəyiniz